Kryetari i Komunës së Ferizajt, Agim Aliu ka njoftuar se projekti për trajtimin e ujërave të zeza në komunë do të nis vitin e ardhshëm.

Aliu ka thënë se me këtë projekt i cili është në bashkëpunim me Bankën Evropian e për Rindërtim dhe Zhvillim (BERZH) do të dyfishohet sasia e ujti të pijshëm, shkruan Arbresh.info.

“Projekti për trajtimin e ujërave të zeza në Ferizaj nis më 2024, me BERZH-in do të dyfishojmë edhe sasinë e ujit të pijshëm”, ka shkruar Aliu në Facebook.

“Projektet e sektorit të ujërave në Komunën e Ferizajt, me theks të veçantë projekti për impiantin e trajtimit të ujërave të zeza, rritja e kapaciteteve të furnizimit me ujë të pijshëm dhe projekte tjera madhore, ishin temat e sotme të diskutimeve që patëm me kreun e Bankës Evropiane për Rindërtim dhe Zhvillim (BERZH), prirë nga drejtori për Kosovë i zyrës së BERZH-it, z. Sergiy Maslichenko, drejtori i asocuar z. Arianit Blakaj si dhe analisti Gent Myftari, të cilëve i konfirmuam gatishmërinë e Komunës së Ferizajt, për të mbështetur fuqishëm e lehtësuar, implementimin e këtyre projekteve me rëndësi jetike e që i japin zgjidhje afatgjate këtyre nevojave për Ferizajn.”, shtoi ai.